Në mëngjesin e sotëm janë arrestuar 9 persona, pasi që të njëjtit dyshohet se kanë kryer veprën penale “Organizim i skemave piramidale dhe bixhozit”, në një lokal në Prishtinë, në rrugën “Ilir Konushevci”.
Policia e Kosovës ka bërë të ditur se në vendngjarje përveç disa gjësendeve që lidhen me veprën, janë gjetur dhe sekuestruar edhe një armë zjarri, dy karikatorë dhe 14 fishekë, raporton teve1.info.
Sipas Policisë, 9 personat e dyshuar janë intervistuar, si dhe ndaj njërit është iniciuar procedurë edhe për armëmbajtje pa leje.
Ndërkaq, me vendim të prokurorit të shtetit, të gjithë personat janë liruar në procedurë të rregullt.
