Për 13 vjet, Kosova ka afër 200 mijë banorë më pak të regjistruar.
Ndryshe nga viti 2011 kur në Kosovë u regjistruan mbi 1.7 milionë banorë, në këtë vit vendi pritet që t’i ketë 1.6 milionë banorë.
E nga ta, sipas Agjencisë së Statistikave të Kosovës, 600 mijë janë qytetarë që jetojnë në diasporë.
E pikërisht migrimin e sheh si njërën nga arsyet kryesore të uljes së këtij numri kryetari i Agjencisë Kosovare të Biznesit, Agim Shahini.
Shahini tregon se çka duhet ndërmerr ekzekutivi për parandalimin e këtij fenomeni.
Përveç migrimit të popullatës, sipas sociologut Genc Xërxa arsye është edhe zvogëlimi i lindjeve të fëmijëve.
“Krejt kjo ka të bëjë me rritjen e mirëqenies që është faktori tjetër, pastaj kjo shkon falë edukimit dhe emancipimit shoqëror, e kjo lidhet edhe me punësimin e grave, ku gratë dita e ditës hynë në tregun punues dhe me avancimin e tyre në karrierë vjen deri tek shtyrja e moshës së tyre për të hyrë në lindje, kjo mund ti ndodhë pastaj edhe meshkujve dhe është një faktor kyc në kontrollimin dhe zvogëlimin e numrit të lindjeve duke mbetur pak kohë për të krijuar numër më të madh të atyre lindjeve apo të planifikimit familjar, pastaj është jeta urbane apo dinamika e cila i sjell dhe koston për ti përballuar të gjitha ato dinamika”, ka thënë ai.
Në këtë proces të regjistrimit nuk kanë marrë pjesë të gjithë serbët e katër komunave veriore.
