Nicolò Fagioli, Sandro Tonali, Nicolò Zaniolo dhe tani Nicola Zalewski. Lojtari i katërt i Serisë A i përfshirë në çështjen e basteve duket se është anësori i Romës.
Këtë e ka bërë të ditur Fabrizio Corona, “mbreti” i paparacëve. Domethënë ai që pas shpërthimit të çështjes “Fagioli”, kishte folur Tonalin dhe Zaniolon si lojtarët e tjerë të implikuar në lojërat e fatit.
“Në orën 14:00 del emri i lojtarit të katërt të përfshirë. Ai luan për Romën”, zbuloi Corona pak orë më parë. Dhe lojtari në fjalë, sipas asaj që raportoi “Dillingernews”, është Zalewski.
“Është Zalewski nga Roma! Emri i tij është gjithashtu në mesin e atyre që i janë dhënë Fabrizio Coronas, i cili po nxjerr sekretet e hetimit të ri për bastet e futbollit. Dhe siç mund ta dëgjoni nga telefonata e riprodhuar në video, nuk është i vetmi”.
Artikulli, megjithatë, premton informacione të mëtejshme: lista e lojtarëve është shumë e gjatë dhe qëllimi i Coronas është t’i bëjë publikë një nga një.
Nicola Zalewski, i lindur në vitin 2002, është një nga produktet e të rinjve verdhekuq, i sjellë në ekipin e parë nga José Mourinho. Dje Zalewski luajti të gjithë ndeshjen për ekipin e tij të Polonisë U-21 kundër Sllovakisë (rezultati 2-2).
Këtë sezon Zalewski ka bërë 6 paraqitje për Romën mes Serisë A dhe Europa League-s.
