Bayer Leverkuseni ka udhëtuar për në Brazil për fazë përgatitore. Me nënkampionin gjerman ka udhëtuar edhe lideri i mesfushës, Granit Xhaka. Por mbetet e paqartë nëse Xhaka do të qëndrojë deri në fund të përgatitjeve.
Për të interesim ka shprehur skuadra arabe, Neom, e promovuar në elitën e këtij vendi. Një transferim prej 20 milionë euro i Xhakës po diskutohet.
“Ka interesim”, ka thënë drejtori menaxhues i Bayer Leverkusenit, Simon Rolfes, derisa ka folur për “Kicker” lidhur me Xhakën.
Ai ka paralajmëruar vendim të shpejtë.
“Nuk ka diskutim që jemi në fazën kur e finalizojmë skuadrën. Graniti luan rol të madh në këtë, kështu që qartë se nuk është çështje që do të shkojë deri në fund të afatit kalimtar. Ne po hyjmë në fazën e përgatitjeve. Do të jenë disa ndryshime të mëdha në skuadër. Por në një pikë duhet të jemi 95 për qind komplet. Graniti është pjesë e rëndësishme e kësja. Për këtë arsye një vendim i shpejt do të merret”, ka shtuar Rolfes.
