Kapiteni Granit Xhaka ka paralajmëruar Kombëtaren e Zvicrës në prag të nisjes së Kampionatit Botëror.
Xhaka ka kritikuar publikisht performancën e dobët të Zvicrës në barazimin 1:1 ndaj Australisë, ndeshje kjo që ishte testi i fundit para Botërorit.
Ky barazim me Australinë, vjen pas humbjes 2:0 që Zvicra e pësoi nga Gana, po ashtu në ndeshjen kontrolluese në prag të Kupës së Botës.
“Kishte gjëra që nuk ishin mirë javën e fundit dhe kjo ndikoi edhe në lojën tonë. Nuk mund të luajmë kështu, përndryshe do të shkojmë në shtëpi pas tri ndeshjeve. Duhet të zgjohemi tani dhe kemi një javë për t’u bërë gati”, ka thënë Xhaka.
Zvicra është pjesë e Grupit B në Botërorin që nis pas tri ditësh, ku do të përballet me Katarin, Bosnjë e Hercegovinën dhe Kanadanë.
Ndeshjen e parë në Botëror, Zvicra e luan të shtunën në mbrëmje kundër Katarit.
