Mesfushori Granit Xhaka duket se ka marrë vendim përfundimtar për të ardhmen e tij, kanë raportuar mediumet gjermane.
Mësohet se Xhaka i ka bërë të ditur Bayer Leverkusenit se nuk dëshiron të largohet këtë verë, përkundër interesimit të madh nga skuadrat tjera.
Po ashtu, edhe Leverkuseni nuk është i interesuar ta shesë Xhakën pasi trajneri Erik Ten Hag llogarit në mesfushorin 32-vjeçar.
Në fakt, Xhaka dhe Leverkuseni janë pajtuar se do ta merrnin në konsideratë ndarjen, vetëm në rast të ndonjë oferte të majme.
Xhaka është pjesë e Leverkusenit prej vitit 2023 dhe ka kontratë deri në vitin 2028, ndërsa kohët e fundit, interesim për shërbimet e tij kanë shfaqur Milani, Galatasaray, Fenerbahçe e disa skuadra nga Arabia Saudite.
