Përkundër spekulimeve për të ardhmen e tij, Granit Xhaka do të mbetet pjesë e Bayer Leverkusenit.
Mësohet se Xhaka ka vendosur ti mbetet plotësisht i përkushtuar ndaj Leverkusenit, ekip që nuk e ka shqyrtuar asnjëherë shitjen e tij.
Kohët e fundit, emri i Xhakës ka qenë i lidhur me një largim eventual nga Leverkuseni pasi për shërbimet e tij kishin shprehur interesim shumë skuadra.
Galatasaray, Fenerbahçe, Basel dhe disa ekipe nga Arabia Saudite donin ta transferonin Xhakën gjatë kësaj vere.
Xhaka 32-vjeçar ka kontratë me Leverkusenin deri në vitin 2028 dhe është pjesë e kësaj skuadre prej vitit 2023 kur iu bashkua nga Arsenali.
