Xavi Hernández pritet të shkarkohet nga Barcelona, sipas mediave spanjolle dhe gazetarit të njohur Fabrizio Romano.
Barca triumfoi të enjten mbrëma 0-2 në fushën e Almerias dhe kaloi në vendin e dytë, por në këtë moment Joan Laporta ka vendosur të shkarkojë trajnerin spanjoll në ditët në vijim.
Kjo, pasi që para se të udhëtonte për në Almeria, Xavi ndryshoi fjalimin e tij optimist dhe pranoi në një konferencë për shtyp se sezonin e ardhshëm do të jetë shumë e vështirë të konkurrosh kundër Real Madridit, në Ligë dhe kundër klubeve të mëdha të Evropës, në Ligën e Kampionëve, për shkak të situatën financiare të klubit.
E menjëherë kanë filluar të raportohet për zëvendësuesin potencial të Xavit.
Emri i parë që përmendet është ai i Rafa Marquez, trajnerit të Barcelonës B.
