E lidhur me këtë ka reaguar Lëvizja Vetëvendosje, të cilët përmes një komunikate kanë shkruar se shtrenjtimi i transportit për 25 përqind, erdhi si shkak i koalicionit LDK dhe PDK.
“Sot, Komuna e Prishtinës njoftoj se çmimi i biletës së rregullt, prej datës 31 janar, pra nesër, do të jetë 25% më i lartë. Nga premtimi për transport falas, arritëm te transporti 25% më i shtrenjtë. Kjo është PDK-ja, ky është koalicioni LDK-PDK që qeverisë me Prishtinën”, thuhet në komunikatën e tyre.
Gjithashtu, VV ka përmendur se PDK gjatë fushatës zgjedhore në Prishtinë, premtonte transport publik falas, raporton teve1.info.
“Drejtorinë e Shërbimeve Publike, e ku përfshihet transporti publik, në Komunën e Prishtinës e udhëheq PDK-ja”, kanë shkruar tutje./teve1.info/.
https://teve1.info/lajmet/shtrenjtohet-bileta-e-urbanit-zbritet-mujorja/
