Vushtrria – Llapi luhet të shtunën nga ora 16:00, në stadiumin “Fadil Vokrri”, në Prishtinë.
Fituesi i këtij dueli, luan në elitën e futbollit kosovar për sezonin 2025/2026.
Vushtrria në Grupin B të Ligës së Parë përfundoi në pozitën e dytë me 67 pikë. E fitoi barazhin e Ligës së Parë, duke fituar ndaj Lirisë me rezultatin 3:1 javën e kaluar, ekip që ishte i dyti në Grupin A.
Direkt nga Liga e Parë kalimin në Superligë e kanë siguruar Drenica dhe Prishtina e Re.
Llapi në këtë edicion të Superligës ka pasur formë të luhatshme.
Në javët e fundit hyri në garë për Evropë, por përfundoi në pozitën e tetë me 47 pikë.
Nga Superliga direkt ranë Suhareka me 43 pikë dhe Feronikeli 74 me 15 pikë, ndërsa Llapi si i teti në fund, mbetjen në Superligë e kërkon përmes barazhit.
Kështu që, sot do të kompletohet seti prej 10 skuadrave që sezonin e ri do të jenë pjesë e Superligës.
