Klubi më i ri i Superligës në futboll, Prishtina e Re, të mërkurën ka prezantuar përforcimin e fundit, e që është i 12-ti për ekipin nga hajmalia.
Drejtori sportiv Shpëtim babaj, sot ka prezantuar Arlind Shabanin, futbollistin që sezonin e fundit luajti për Ferizajn.
“Skuadra përforcohet me mesfushorin Arlind Shabani, 23-vjeçari, i cili i bashkohet ekipit pas një edicioni mbresëlënës me FC Ferizaj.
Në edicionin e fundit, Arlindi zhvilloi 34 paraqitje në Albi Mall Superligë dhe Kupën e Kosovës, duke qenë një nga lojtarët më të qëndrueshëm në mesfushë”, ka shkruar klubi në Facebook, gjatë prezantimit të Shabanit si lojtar i ri.
