Vëllaznimi e ka befasuar Pejën duke e mposhtur në “Karagaçi” me rezultat 85:74 në ndeshjen e vlefshme për xhiron e 21-të të Superligës së Kosovës në basketboll.
Gjakovarët krijuan epërsi të thellë qysh në çerekun e parë duke fituar me 12 pikë epërsi, të cilën e përforcuan edhe në çerekun e dytë. Në dy të tjerët, Peja arriti vetëm ta ngushtonte epërsinë.
Jericole Hellems ishte më i miri i Vëllaznimit me 37 pikë të shënuara.
Në tabelë, Peja është e treta me 31 pikë, ndërsa Vëllaznimi ka arritur në 29 në pozitën e pestë.
