Një person ka vdekur e katër të tjerë janë lënduar si pasojë e një aksidenti mes dy veturash mbrëmjen e së premtes në Mitrovicë.
Sipas policisë, trupi i pajetë është dërguar për obduksion.
Të lënduarit janë dërguar në spital, ndërsa njëri shofer pas trajtimit është dërguar në mbajtje.
“Raportohet se si pasojë e një aksidenti trafiku që ka ndodhur midis dy veturave, një mashkull kosovar, ka humbur jetën dhe katër të tjerë kanë pësuar lëndime trupore. Vdekjen e viktimës e ka konstatuar ekipi mjekësor në Spitalin e Mitrovicës. Të lënduarit janë dërguar për trajtim mjekësor. Me vendim të prokurorit i cili ka qenë në vendin e ngjarjes, trupi i pajetë është dërguar në IML për obduksion, ndërsa njëri nga drejtuesit e veturave i dyshuari mashkull kosovar, pas trajtimit mjekësor është arrestuar dhe dërguar në mbajtje”, thuhet në raportin e PK-së./teve1.info/
