Një grua ka humbur jetën në një vetaksident trafiku me motoçikletë të martën në Suharekë.
Sipas policisë, ngasësi i motoçikletës është përplasur në skaj të rrugës, ku më pas pasagjerja s’ka mundur t’i përballoj plagët e marra dhe ka vdekur, kurse ngasësi ka pësuar lëndime trupore.
Policia ka bërë të ditur se trupi i pajetë është dërguar në IML për obduksion, kurse i dyshuari është arrestuar.
“Suharekë 08.07.2025 – 06:50. Ka ndodhë një aksident trafiku deri sa i dyshuari mashkull shtetas i huaj ka humbë kontrollin gjatë ngasjes me motoçiklete dhe është përplasur në skaj të rrugës. Si pasojë e aksidentit, pasagjerja femër po ashtu shtetase e huaj ka ndërruar jetë ndërsa i dyshuari ka pësuar lëndime trupore. Trupi i pajetë i viktimës është dërguar në IML për Obduksion ndërsa i dyshuari është arrestuar dhe me vendim të prokurorit është dërguar në mbajtje”, thuhet në raport./teve1.info/
