Qendër mbrojtësi kosovar, Arbër Prekazi ka njoftuar largimin e tij nga Malisheva.
Prekazi largohet nga Malisheva pas dy viteve, teksa tani do të nisë një aventurë të re në futbollin tonë.
Prekazi do të vazhdojë karrierën tek Feronikeli 74′.
Më poshtë keni postimin e Prekazit:
Me zemër plot mirënjohje – Faleminderit FC Malisheva
Krenar dhe me kokën lart po largohem nga FC Malisheva, pas dy viteve të mbushura me punë, djersë dhe sakrificë për këtë klub dhe për qytetin e Malishevës.
Ishte një periudhë që nuk do ta harroj kurrë – me shumë emocione, suksese personale dhe arritje të përbashkëta.
Faleminderit nga zemra bashkëlojtarëve të mi për respektin dhe vëllazërinë, presidentit dhe kryesisë për besimin dhe mbështetjen e vazhdueshme.
Një falënderim i veçantë për ata tifozë që asnjëherë nuk na lan vetëm .
Gjithashtu, mirënjohje për punëtorët e klubit, Binak Gashi dhe Shpëtimin – dy figura që gjithmonë na rrinin afër me fanela e zhveshtore të pastërt.
Gjatë këtyre dy sezoneve arrita të kontribuoj me 4 gola dhe 4 asistime, por mbi të gjitha jam krenar që, së bashku me shokët e skuadrës, hymë në historinë e klubit duke arritur objektivat dhe siguruar pjesëmarrjen në garat europiane për dy vite radhazi.
Na dhashtë Zoti një të ardhme të hajrit për të gjithë.
Me respekt dhe mall:
Gjithmonë njëri prej jush PREKI”, shkruhet në postimin e tij.
