Të premten, familja, miqtë dhe kolegët i dhanë lamtumirën e fundit Hekuran Hoxhës, anëtarit të Aleancës për Ardhmërinë e Kosovës, i cili u gjet i vdekur dy ditë më parë në një veturë në Veternik.
Kreu i AAK-së, Ramush Haradinaj, përmes një postimi në Facebook, u ka shprehur ngushëllime familjarëve dhe miqve të Hoxhës, duke u uruar forcë dhe durim për të përballuar dhimbjen e madhe.
“Lamtumira e fundit për kolegun tonë, Hekuran Hoxhën – Kanin. Familjes Hoxha, miqve dhe kolegëve, iu shpreh ngushëllimet më të sinqerta dhe uroj të gjejnë forcë e durim për ta përballuar këtë dhimbje të madhe. Kani, u prehtë në paqe”, ka shkruar Haradinaj.
Ndryshe, kandidati për deputet i Aleancës për Ardhmërinë e Kosovës (AAK), Hekuran Hoxha, u gjet pa shenja jete në makinën e tij në lagjen Veternik pranë Prishtinës. Shkaku i vdekjes ende nuk është bërë i ditur.
Se bëhet fjalë për një politikan, në këtë rast nga AAK-ja, e konfirmoi edhe kreu i kësaj partie, Ramush Haradinaj.
Haradinaj konfirmon: I vdekuri në Veternik ishte anëtar i AAK-së
