Rusia në fund të fundit nuk do të lejohet të luajë në ndeshjet kualifikuese të Kampionatit Evropian U17 këtë muaj, tha të martën UEFA.
Kundërshtimet e shumta nga federatat anëtare për të luajtur me Rusinë në çdo nivel të ndeshjeve e lanë UEFA-n të shfuqizojë vendimin, të cilën ishte përpjekur në mënyrë të diskutueshme ta ndryshonte dy javë më parë. UEFA kishte lehtësuar çuditërisht më 26 shtator politikën e saj të imponuar brenda disa ditëve pasi Rusia pushtoi Ukrainën vitin e kaluar që të gjitha ekipet kombëtare dhe klubet e vendit të përjashtoheshin nga garat ndërkombëtare.
Kjo lëvizje provokoi një ndarje në komitetin ekzekutiv të UEFA-s – nënkryetarët e saj nga Anglia, Polonia dhe Uellsi refuzuan të mbështesin propozimin – dhe të paktën 12 nga 55 federatat anëtare, thanë se ekipet e tyre do të vazhdojnë të refuzojnë të luajnë ndeshje kundër Rusisë.
Për dy javët e fundit, stafi i UEFA-s eksploroi futjen e Rusisë në garat e saj të rinjve për djem dhe vajza, pavarësisht se kishte tërhequr tashmë grupet kualifikuese.
Pas një takimi tjetër të komitetit ekzekutiv të martën, UEFA tha se “pika e rendit të ditës u tërhoq pasi nuk mund të gjendej asnjë zgjidhje teknike për të lejuar skuadrat ruse të luanin”.
