Hetimi u bë nga njësiti përkatës për trafikimin e narkotikëve, teksa në shtëpinë e njërit prej tyre kanë gjetur 1.368.81 kilogram substanca të dyshuara narkotike, një peshore digjitale, dy telefona dhe 262 euro para të gatshme.
Lidhur me këtë rast, prokurori ka vendosur që njërin nga të dyshuarit ta dërgojë në mbajtje, kurse tjetri u lirua me procedurë të rregullt.
Ndërsa, rasti vazhdon të hetohet, thuhet në raportin 24 orësh të policisë.
“Rr. Indrit Cara, Prizren 05.10.2022 – 19:00. Janë arrestuar dy të dyshuar meshkuj kosovarë, të cilët njësiti përkatës për hetimin dhe trafikimin e narkotikëve i ka zënë në flagrancë njërin shitës dhe tjetrin blerës duke shkëmbyer substanca narkotike të llojit marihuanë. Gjatë bastisjes në shtëpinë e njërit prej të dyshuarve njësitë policore kanë gjete dhe sekuestruar si dëshmi materiale: 1.368.81 (një kilogram e treqind e gjashtëdhjetë e tetë pikë 81 gram) substanca të dyshuara narkotike të llojit marihuanë të cilat kanë qenë në paketime të ndryshme, një peshore digjitale, dy telefona celularë dhe 262 euro para të gatshme. Me vendim të prokurorit njëri prej të dyshuarve është dërguar në mbajtje kurse tjetri është liruar në procedurë të rregullt. Rasti vazhdon të hetohet”, raporti i plotë i policisë.
