Kombëtarja e Shqipërisë do të presë Finlandën nesër, më 12 nëntor, teksa sfida nis në orën 20:45. Dueli vendimtar ku vetëm duhet shmangur humbja me çdo kusht, vlen për raundin e pestë të Ligës së Kombeve.
Trajneri Rolando Maran ftoi 27 lojtarë për ndeshjet e nëntorit. Të gjithë zbritën sot në fushën e “Air Albania”, për të kryer seancën e fundit stërvitore.
E konfirmuar është se katër prej tyre do të përfundojnë nesër në tribunë ndaj Finlandës. Kjo pasi UEFA lejon vetëm 23 lojtarë të gatshëm për ndeshjen.
Kujtojmë se në takimin e fundit përfunduan në tribunë Feta Fetai dhe Klevi Qefalija, që janë sërish pjesë e listës. Samuele Sina ndërkohë ishte larguar.
