Presidenti i SHBA-së, Donald Trump është zotuar se do të heqë të gjitha sanksionet kundër Sirisë, duke thënë se ato kishin shërbyer një funksion të rëndësishëm, por tani është koha që vendi të ec përpara.
Trump ka thënë se do të urdhëroj ndërprerjen e këtyre sanksioneve në mënyrë që sipas tij ti jap Sirisë një shans për të shkëlqyer, raporton The Guardian.
“Unë do të urdhëroj ndërprerjen e sanksioneve kundër Sirisë në mënyrë që t’u jap atyre një shans për madhështi. Është koha e tyre për të shkëlqyer. Ne po i heqim të gjitha. Fat i mirë Siri, na trego diçka shumë të veçantë”, tha ai.
Trump po ashtu ka njoftuar se sekretari i tij i shtetit, Marco Rubio do të takohet të enjten me ministrin e Jashtëm sirian në Turqi.
Ndërkaq, nga ana tjetër Siria ka mirëpritur vërejtjet e Trumpit në lidhje me heqjen e sanksioneve amerikane të vendosura ndaj Damaskut.
Përmes një postimi në platformën “X” ministri i jashtëm Asaad Shibani i ka quajtur si një “fillim i ri” në rrugën e rindërtimit të vendit.
Shibani ka falënderuar Arabinë Saudite për lehtësimin e heqjes së sanksioneve të SHBA.
