Kapiteni i Kombëtares së Kosovës, Amir Rrahmani po vlerësohet si njëri prej lojtarëve kryesor te Napoli dhe ndër më të merituarit për titullin e kampionit për sezonin 2024/25.
Duke pasur parasysh paraqitjet fantastike të Rrahmanit, te Napoli po duan ta mbajnë më gjatë në ekip mbrojtësin e Kosovës.
Mësohet se drejtuesit e Napolit, tashmë i kanë ofruar Rrahmanit rinovimin e kontratës që i skadon në vitin 2027 dhe po presin një përgjigje prej tij.
Megjithatë, situatën e Rrahmanit te Napoli po e monitoron skuadra e Tottenhamit, që ka gati ofertën për transferimin e tij.
Tottenhami po e sheh Rrahmanin si zëvendësim ideal për Cristian Romeron, i cili pritet të transferohet në La Liga dhe për këtë arsye po insiston në shërbimet e kapitenit të “Dardanëve”.
Mirëpo, krahas ekipit anglez, interesim për transferimin e Rrahmanit kanë shfaqur edhe disa skuadra tjera nga Arabia Saudite.
Rrahmani është pjesë e Napolit prej vitit 2020 kur iu bashkua nga Verona dhe me këtë skuadër i ka të fituar dy tituj kampioni në Serie A.
