TËVË 1 - Lexoje të vërtetën!
  • LAJMET
  • RAJONI/BOTA
  • SPORT
  • SHËNDETËSI
  • LIFE STYLE
  • TEKNOLOGJI
  • OPINIONE
Reklamo në tëvë1.info
No Result
View All Result
TËVË 1 - Lexoje të vërtetën!
  • LAJMET
  • RAJONI/BOTA
  • SPORT
  • SHËNDETËSI
  • LIFE STYLE
  • TEKNOLOGJI
  • OPINIONE
Reklamo në tëvë1.info
No Result
View All Result
TËVË 1 - Lexoje të vërtetën!
Reklamo

The Telegraph: Kryebashkiaku i Tiranës, qeveris qytetin nga burgu përmes videove të krijuara me AI

by teve1
1 muaj ago
0
A A
The Telegraph: Kryebashkiaku i Tiranës, qeveris qytetin nga burgu përmes videove të krijuara me AI

Media prestigjioze britanike “The Telegraph” i ka kushtuar një artikull të veçantë kryebashkiakut të Tiranës, Erion Veliaj, duke e cilësuar si një rast të pazakontë të përdorimit të inteligjencës artificiale nga një zyrtar që ndodhet në paraburgim.

Sipas “The Telegraph”, Veliaj, i cili ndodhet në paraburgim dhe përballet me akuza për korrupsion dhe vepra financiare, i është drejtuar qytetarëve të Tiranës përmes një videoje të krijuar me inteligjencë artificiale.

Në video shfaqet një avatar i gjeneruar me IA, i cili paraqitet përpara flamurit shqiptar dhe atij të Bashkisë së Tiranës. Nëpërmjet tij, Veliaj njofton për një program me ushqim falas në shkolla për fëmijët e kryeqytetit.

“Kam marrë edhe një angazhim tjetër që nuk do ta harroj kurrë: ushqimin në shkolla”, citohet të thotë avatari i Veliajt në videon e publikuar në Instagram.

Sipas “The Telegraph”, videoja ishte e shënuar qartë si e gjeneruar me inteligjencë artificiale.

Në mesazhin e transmetuar përmes avatarit, Veliaj flet edhe për situatën e tij në paraburgim.

“Pengmarrja ime vazhdon prej 20 muajsh dhe mund t’ju përshëndes vetëm me inteligjencë artificiale”, thuhet në mesazhin e tij.

Më tej, sipas medias britanike, ai shprehet se do të vazhdojë të punojë për Tiranën edhe nga qelia.

“Tirana është nderi i jetës sime. Për ta shpaguar këtë nder, do të vazhdoj të punoj edhe nga qelia ku më kanë mbyllur”, citohet të thotë Veliaj.

Kjo, sipas “The Telegraph”, është hera e parë që kryebashkiaku i drejtohet drejtpërdrejt qytetarëve që prej qëndrimit të tij në paraburgim.

Artikulli britanik vë në dukje edhe një situatë të pazakontë institucionale: pavarësisht qëndrimit në paraburgim dhe procesit gjyqësor ndaj tij, Erion Veliaj vijon të jetë kryetar i Bashkisë së Tiranës.

Media britanike rikujton se pas arrestimit të tij u planifikuan zgjedhje të parakohshme për Bashkinë e Tiranës, por procesi u anulua pas ndërhyrjes së Gjykatës Kushtetuese.

Sipas medias britanike, Veliaj i kishte deleguar më herët një pjesë të kompetencave të tij zëvendëskryetares Anuela Ristani, por më pas e ka shfuqizuar urdhrin për delegimin e këtyre kompetencave.

Kjo ka bërë që mënyra se si Bashkia e Tiranës funksionon nën drejtimin e një kryebashkiaku në paraburgim të mbetet një çështje e pazakontë në skenën politike shqiptare.

Veliaj u arrestua në shkurt të vitit 2025 dhe përballet me një proces penal në GJKKO.

“The Telegraph” shkruan se kryebashkiaku përballet me 13 akuza, ndërsa ai ka mohuar çdo shkelje.

Media britanike e përshkruan Veliajn si një figurë që dikur konsiderohej ndër emrat në ngjitje të Partisë Socialiste dhe si një prej personave që mund të shiheshin si pasardhës të mundshëm të kryeministrit Edi Rama.

Procesi ndaj tij vijon në Gjykatën e Posaçme kundër Korrupsionit dhe Krimit të Organizuar.

“The Telegraph” e vendos rastin e Veliajt edhe në një kontekst më të gjerë të përdorimit të inteligjencës artificiale nga politikanët që nuk mund të komunikojnë drejtpërdrejt me publikun.

Media britanike sjell si shembull Imran Khan, ish-kryeministrin e Pakistanit, i cili në vitin 2023 përdori një video të krijuar me IA për t’iu drejtuar mbështetësve gjatë një fushate zgjedhore, ndërsa ndodhej i burgosur.

Një tjetër shembull i përmendur është ai i Jair Bolsonaros, ish-presidentit të Brazilit, ku një avatar i krijuar me inteligjencë artificiale u shfaq në një aktivitet politik të lidhur me fushatën e djalit të tij./Top Channel

ShareTweet

Postime të ngjashme

Mediat në Serbi raportojnë për arrestimin e Milan Radoiçiq

​Bosnja ia ndalon hyrjen Radoiçiqit, e cilëson kërcënim për sigurinë kombëtare

Trumpi shqyrton mundësinë e bombardimit të Iranit pas vizitës së shefit të Mossadit

Trumpi shqyrton mundësinë e bombardimit të Iranit pas vizitës së shefit të Mossadit

Aleatët e Ukrainës mblidhen në Berlin, diskutojnë mbështetjen për Kievin dhe sigurinë e Evropës

Aleatët e Ukrainës mblidhen në Berlin, diskutojnë mbështetjen për Kievin dhe sigurinë e Evropës

Sulmi i Huthëve dëmton kullën më të lartë në Riad

Sulmi i Huthëve dëmton kullën më të lartë në Riad

Kuvendi të mërkurën debaton për raportin e Komisionit Evropian për Kosovën

Kuvendi miraton në parim Projektbuxhetin për vitin 2027

Një person raportohet i lënduar nga erërat në Ferizaj, shkaktohen edhe dëme materiale

Një person raportohet i lënduar nga erërat në Ferizaj, shkaktohen edhe dëme materiale

Alijaj: E rëndësishme të kemi një ligj që ndihmon ish-krerët e UÇK-së dhe ruan raportet me BE-në

Alijaj: E rëndësishme të kemi një ligj që ndihmon ish-krerët e UÇK-së dhe ruan raportet me BE-në

Tre të plagosur me armë zjarri në Pejë, nuk dihet identiteti i të dyshuarit

Një 77-vjeçar vdes në një aksident në magjistralen Prishtinë-Podujevë

Ulja e temperaturave, Qeveria thirrje për kursim të energjisë

KEDS njofton për ndërprerje të domosdoshme të energjisë në Ferizaj për shkak të erërave të forta

​Era e fuqishme shkakton dëme, në Krushë të Madhe intervenojnë zjarrfikësit

​Era e fuqishme shkakton dëme, në Krushë të Madhe intervenojnë zjarrfikësit

Hasani: Nisma e re për Ligjin e Speciales mund të jetë pjesë e diplomacisë

Hasani: Nisma e re për Ligjin e Speciales mund të jetë pjesë e diplomacisë

Facebook Youtube Instagram TikTok

TËVË 1

Ky portal mirëmbahet nga televizioni “Tëvë1”. Materialet dhe informacionet në këtë portal nuk mund të kopjohen, të shtypen, ose të përdoren në çfarëdo forme tjetër për qëllime përfitimi, pa miratimin e drejtuesve të “Tëvë1”. Për ta shfrytëzuar materialin e këtij portali obligoheni t’i pranoni kushtet e përdorimit.
  • LAJMET
  • RAJONI/BOTA
  • SPORT
  • SHËNDETËSI
  • LIFE STYLE
  • TEKNOLOGJI
  • OPINIONE

Social Media

© 2022 - 2026 TËVË 1 - lexoje tëvërtetën

Welcome Back!

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist

No Result
View All Result
  • LAJMET
  • RAJONI/BOTA
  • SPORT
  • SHËNDETËSI
  • LIFE STYLE
  • TEKNOLOGJI
  • OPINIONE

© 2022 - 2026 TËVË 1 - lexoje tëvërtetën