Sipas njoftimit të Prokurorisë, përveç 7 të arrestuarve, tre prej tyre ish-zrtarë të Ministrisë së Mjedisit, Planifikimit Hapësinor dhe Infrastrukturës dhe katër pronarë të kompanive ndërtimore, dhe gjatë ditës është arrestuar edhe një person tjetër i dyshuar.
“Tetë (8) personat e arrestuar me inicialet A.I., I.M., F.H., R.A., M.Sh., A.X., Z.G., dhe H.A, me vendim të Prokurorit të Shtetit, janë ndaluar në kohëzgjatje prej 48 orësh, për shkak të dyshimit se të njëjtit kanë kryer veprat penale “Keqpërdorimi i pozitës apo autoritetit zyrtar” nga neni 422 paragrafi 1 të Kodit Penal të Republikës së Kosovës , “Ushtrimi i ndikimit” nga neni 431 paragrafi 2 të KPRK-ës, “Dhënia e ryshfetit”, “Marrja e ryshfetit” dhe “Falsifikimi i dokumenteve” nga neni 398 paragrafi 2 të KPRK-ës”, thuhet në njoftim.
Po ashtu theksohet se gjatë kontrollit janë gjetur dhe konfiskuar dokumente të ndryshme, disa fletore me shënime, tri armë, një karikator me 5 fishek të kalibrit 7.65mm, tre fishek të kalibrit 6.35mm, 20 fishek të kalibrit 7.62mm, një kompjuter, një veturë X6, pesë telefona dhe një orë dore.
“Prokuroria Themelore në Ferizaj, ndaj të njëjtve, brenda afatit ligjor, do të paraqesë edhe kërkesën për caktimin e masës së paraburgimit në Gjykatën Themelore në Ferizaj”, thuhet në njoftim. /Teve1.info/
