Një motoçikletë që shkaktoi zhurmë dhe prishi qetësinë publike ka përfunduar e sekuestruar nga Policia e Kosovës.
Njësiti i Trafikut të Kryeqytetit ka ndërmarrë masa ndaj drejtuesit dhe pasagjerit të saj, duke u shqiptuar atyre gjithsej tetë gjoba për kundërvajtje të ndryshme.
Sipas policisë, shkeljet përfshijnë prishjen e rendit dhe qetësisë publike, drejtimin e motoçikletës pa patentë shoferi apo kategorinë përkatëse, si dhe drejtimin pa helmetë.
Për rastin janë shqiptuar edhe masa të tjera në përputhje me legjislacionin në fuqi, ndërsa motoçikleta është sekuestruar nga zyrtarët policorë.
