Një tërmet me magnitudë 6.2 goditi zonën në brigjet e Indonezisë lindore të premten, pa raportime të menjëhershme për viktima apo dëme, raportoi “The New Indian Express”, duke iu referuar Shërbimit Gjeologjik të SHBA-së (USGS).
Tërmeti ndodhi në një thellësi prej 120 kilometrash (74.6 miljesh), rreth 58 kilometra (36 milje) në perëndim të Tobelos, në provincën e Malukut Verior, në orën 11:31 me kohën lokale (02:31 GMT), shkruan Anadolu.
Agjencia e Indonezisë për Meteorologji, Klimatologji dhe Gjeofizikë (BMKG) njoftoi se nuk kishte rrezik për cunami pas tërmetit.
