Qetë është derisa aty qëndron Policia e Kosovës.
Por zhurmën e madhe e bëjnë ekipet e EULEX-it, kur vijnë për ta sjellë 75-vjeçarin Jakup Krasniqi.
Ish-kryekuvendari, rëndom si ditët paraprake, u soll në shtëpinë e tij në Velani të Prishtinës rreth orës 09:00 të mëngjesit.
Vëllai i tij, Dauti, edhe njëherë, sikurse çdo ditë më parë, provoi të paktën ta shohë.
Por nga pamundësia për t’i takuar, Jakup Krasniqi vetëm i pa, derisa po e përshëndesnin me dorë ai dhe pjesa tjetër e familjes.
Kështu, ZPS-ja e la zëdhënësin e UÇK-së te familja e tij, e punën e tyre mund ta kryenin pastaj pak policë të Kosovës.
Këtë herë, ai mund të qëndronte vetëm 3 orë me familjen e tij.
Megjithatë, familjarët e tij kishin një mesazh edhe për të, edhe për EULEX-in.
Kësaj radhe aty dolën më shumë familjarë të Krasniqit, që ta përshëndesnin.
Pak minuta para mesditës, EULEX-i erdhi përsëri.
Krasniqi, i lodhur nga mosha e nga mërzia, përshëndeti edhe njëherë familjen e tij të ngushtë.
Kështu, 75-vjeçari u dërgua menjëherë për në aeroport dhe u nis për në Hagë.
Kurse ata që nuk e panë Krasniqin, shkuan menjëherë te familja e tij.
Krasniqi nuk u lejua të qëndronte asnjë natë në shtëpinë e tij dhe gjumin e bëri në zyrat e EULEX-it në Prishtinë.






