Kryeministri Albin Kurti, ka bërë të ditur se projektet për banim të përballueshëm dhe social në disa komuna të Kosovës janë duke avancuar.
Ai përmes një postimi në Facebook ka njoftuar se në Pejë projekti i banimit të përballueshëm dhe social po shkon drejt fazës së përfundimit, ndërsa punimet po përparojnë edhe në Istog, Podujevë dhe Gjilan.
Sipas tij, në Kamenicë është në procedurë të prokurimit lidhja e kontratës, ndërsa në Shtime dhe Obiliq është duke u bërë hartimi i projekteve.
Kurti ka theksuar se Qeveria do të vazhdojë të jetë pranë familjeve, çifteve të reja dhe qytetarëve në nevojë, duke mbështetur projektet e banimit social dhe të përballueshëm.







