Trajneri i Bayer Leverkusenit, Eric ten Hag, ka folur në lidhje me të ardhmen e Granit Xhakës.
Mesfushori 32-vjeçar ka kërkuar largimin nga Leverkuseni për t’u kthyer në Premier League tek Sunderlandi, ekip me të cilin ka marrëveshje personale.
Madje, edhe menaxheri i Xhakës, konfirmoi marrëveshjen me Sunderlandin, duke insistuar se klienti i tij dëshiron kthimin në kampionatin anglez.
Ndër të tjera, menaxheri kërkoi që Leverkuseni të mundësojë largimin e Xhakës, i cili ka kontratë me ekipin gjerman deri në vitin 2028.
Mirëpo, kështu nuk mendon edhe trajneri i ri i Leverkusenit, Ten Hag që ka kërkuar qëndrimin e Xhakës në ekip.
Sipas trajnerit holandez, Xhaka është lojtar i rëndësishëm për Leverkusenin dhe nuk bën të largohet në asnjë mënyrë pasi ekipi tashmë
“Përfaqësuesi i lojtarit mund të thotë çka të dojë, por klubi ka shitur tre lojtarë të rëndësishëm. Nuk do të shesim më lojtarë, nuk është e mundur. Kjo do të kishte ndikim shumë të madh në skuadër. Graniti është lider. Ai ka firmosur për pesë vjet dhe ka kontratë edhe për tri vjet. Është shumë i rëndësishëm për ne që të lejojmë të largohet”, ka insistuar Ten Hag.
Të martën, u raportua se Xhaka është pajtuar me pagë javore prej 125 mijë eurosh te Sunderlandi dhe po pret që skuadrat të arrijnë marrëveshjen për të kompletuar transferimin.
