Igli Tare do të jetë drejtori i ri sportiv i Milanit. Të hënën pritet edhe zyrtarizimi i marrëveshjes, ndërsa pritet të firmosë për tre vitet e ardhshme.
Misioni kryesor i Tares raportohet të jetë gjetja e trajnerit të duhur, që pason Konseisaon. Dëshira kryesore e ish-sulmuesit shqiptar u raportua Vincenzo Italiano. Ky i fundit ka dhënë sinjale ndërkohë për rinovimin me Bolognan ku mbylli sezon të suksesshëm me fitimin e Kupës së Italisë.
Tare i ka gati alternativat e tjera për stolin e kuqezinjve. Pavarësisht zhgënjimit të mundshëm nga trajneri Italiano, çfarë vërehet është se zgjedhja do të mbetet brenda emrave italianë.
Massimiliano Allegri, që është po ashtu dëshirë e Napolit në rast largimi të Kontes, është pjesë e listës. Në të njëjtën kohë edhe Thiago Motta, që zhgënjeu në aventurën me Juventusin. Francesko Farioli është opsioni tjetër, pas mbylljes së bashkëpunimit me Ajaxin.
