Drejtori i ri sportiv i Milanit, Igli Tare, ka dhënë një intervistë për Milan TV, ku ka theksuar se idetë e tij në drejtimin e klubit sportiv janë shumë të qarta.
Ai ka theksuar se ka intuziazëm të madh dhe dëshiron ta reflektojë një gjë të tillë te skuadra e madhe italiane.
Mbi të gjitha, Tare ka theksuar se dëshiron të jetë shembull jo vetëm për futbollistët por edhe për stafin teknik, si dhe të bëjë punën e tij në mënyrën më të mirë të mundshme në afatin kalimtar të verës.
“Futbollistët që vijnë te Milani duhet të kuptojnë që të veshësh këtë fanellë është një përgjegjësi e madhe. Gjithçka ndikon në rezultatin final, që përfshin atë që ndodh në fushë dhe vetë rezultatin në fund të ndeshjes”, tha Tare.
Ai ka treguar se në familjen e tij ka shumë adhurues të mëdhenj të skuadrës së Milanit, duke shtuar se gjithmonë ka pasur një lidhje të fortë me këtë skuadër.
Synimi i Tares është që Milani ta përsërit në të ardhmen lavdinë që e kishte dikur dhe ka shtuar se dëshiron sa më shpejt ta prezantoj projektin e tij, në mënyrë që të ketë një reagim pozitiv është nga tifozët.
Tare u zyrtarizua pak ditë më parë si drejtor i ri sportiv i Milanit, ekip më të cilin firmosi kontratë trevjeçare.
