Zëdhënësi i BE-së, Peter Stano, ka bërë të ditur se nuk ka asgjë konkrete për një takim të nivelit të lartë mes Kosovës dhe Serbisë.
Përmes një konference për media, Stano tha se nuk i komentojnë spekulimet, përderisa nuk ka ende asgjë konkrete.
“Së pari, ne asnjëherë nuk i komentojmë spekulimet dhe së dyti nuk ka ndonjë njoftim që mund ta bëjë në lidhje takimet e ardhshme në kornizat e dialogut të lehtësuar nga Bashkimi Evropian”, tha ai gjatë një konference me gazetarë.
I dërguari i posaçëm i Bashkimit Evropian për dialogun mes Kosovës dhe Serbisë, Miroslav Lajçak, tha më 6 tetor se do të punojë në përgatitjen e takimit të ardhshëm mes kryenegociatorëve të Kosovës dhe Serbisë në Bruksel.
Ai theksoi se do të dëshironte që takimi të ndodhte në javët në vijim./teve1.info/
