Sulmuesi Cristian Shpendi pritet që sezonin e ardhshëm të luaj në elitën e futbollit italian.
Mësohet se 22-vjeçar, ka tërhequr vëmendjen e disa skuadrave nga Serie A, të cilat tashmë kanë kontaktuar Cesenan për transferimin e tij.
Bologna, Torino dhe Fiorentina janë në garë për Shpendin, i cili ka kontratë me ekipin nga Serie B deri në verën e vitit 2028.
Sezonin e fundit, Shpendi realizoi 13 gola për Cesenan, ekip që po kërkon të paktën 15 milionë euro për kartonin e tij.
Shpendi prej vitit 2021 është promovuar në ekipin e parë të Cesenas kurse ka edhe 8 paraqitje me Kombëtaren U21 të Shqipërisë.
