Sonte zhvillohet gjysmëfinalja e dytë në Ligën e Kombëve , kur do të përballen kombëtarja e Spanjës dhe ajo e Francës.
Në orën 21:00, në stadiumin “MHP Arena” në Shtutgart do të zhvillohet përballja e madhe e gjysmëfinales.
Fituesi shkon në finale, ku po e pret kombëtarja e Portugalisë, e cila mbrëmë eliminoi Gjermaninë, falë golave te Konseisaos dhe Ronaldo. Golin e vetëm për vendasit e Shënoi Virtz.
Spanja, nën drejtimin e trajnerit Luis de la Fuente, ka kaluar nëpër një fazë rinovimi të suksesshëm.
Skuadra ka arritur të fitojë titullin e UEFA Nations League në vitin 2023 dhe ka triumfuar në Kampionatin Evropian 2024, duke e mbyllur turneun pa humbje.
Nga ana tjetër, Franca, e udhëhequr nga Didier Deschamps, ka një përvojë të pasur në kompeticionet ndërkombëtare.
Skuadra ka fituar UEFA Nations League në vitin 2021 dhe ka një grup lojtarësh me përvojë.
Megjithatë, Franca ka pasur disa vështirësi në mbrojtje gjatë fazës së grupeve dhe do të duhet të rrisë performancën për të përballuar sulmin e fuqishëm të Spanjës.
