Ekipet nga Serie A, Torino dhe Fiorentina janë në garë të ashpër për shërbimet e mesfushorit Kastriot Imeri, ka njoftuar “Tuttomercatoëeb” të premten.
Madje, sipas sajtit italian, këto dy skuadra janë edhe favorite për t’i siguruar shërbimet e Imerit, i cili do të largohet këtë verë nga Servette.
Si Torino ashtu edhe Fiorentina kanë kontaktuar tashmë Servetten, që i ka caktuar çmimin Imerit. Për ta lënë të lirë Imerin, skuadra zvicerane po kërkon të paktën gjashtë milionë euro.
Te Servette janë pajtuar me largimin e Imerit në fund të këtij edicioni dhe gjatë këtij muaji do t’i nisin edhe zyrtarisht negociatat me skuadrat nga Serie A. Imeri 21-vjeçar si lojtar është zhvilluar te Servette kurse pjesë e ekipit të parë është prej sezonit 2017/18.
Këtë edicion, ai ishte ndër më të dalluarit jo vetëm te Servette por edhe në kampionatin zviceran. Në të gjitha garat për Servetten, Imeri ka shënuar 11 gola e ka bërë tri asistime. Ai ka kontratë me Servetten deri në vitin e ardhshëm kur ka edhe një paraqitje me Përfaqësuesen e Zvicrës.
