Sigal Prishtina do ta mbajë edhe për një sezon basketbollistin nga Shqipëria, Daniel Lekndreaj, i cili luajti për klubin bardhekaltër edhe në sezonin e fundit.
Përmes një postimi në rrjetet sociale, Prishtina bëri të ditur se ka vazhduar bashkëpunimin me 28-vjecarin , duke u bërë basketbollisti i tretë i konfirmuar i skuadrës në tri ditët e fundit.
Lekndreaj mbylli sezonin e fundit me Prishtinën, me një mesatare prej 10 pikëve për lojë, 6.3 kërcime dhe 2.7 asistime për ndeshje.
Alo-qendra e Prishtinës erdhi vitin e kaluar në kryeqytet, pasi më parë ka luajtur edhe për Vëllaznimin, Pejën e Bashkimin.
Sigal Prishtina, ditë më parë prezantoi trajnerin e ri, Michalis Kakiouzis dhe basketbollistët, Valmir Kakruki, Dion Haxhosaj e Arian Azemi.
