Fundori amerikan, Malcolm Armstead është përforcimi më i ri te Sigal Prishtina për sezonin 2026/27 në Superligën e Kosovës në basketboll.
Armstead, të hënën është prezantuar te Prishtina, ekip me të cilin ka firmosur kontratë njëvjeçare.
Në fakt, Armstead rikthehet te Sigal Prishtina për herën e tretë pasi ka qenë pjesë e klubit për periudha të caktuara para disa vjetësh.
Armstead e njeh Superligën e Kosovës, pasi krahas Prishtinës, karrierë ka bërë edhe te Peja, Golden Eagle Ylli e Bashkimi.
Ai llogaritet lojtar vendor pasi posedon pasaportën e Kosovës, ndërsa te Prishtina bëhet përforcimi i tretë për sezonin e ri.
Para tij, Prishtina ka zyrtarizuar edhe lojtarët Ajiri Ogemuno-Johnson e Dion Sheqiri, ndërsa trajner i ekipit do të jetë Jeronimo Sarin.
