Me flamuj në duar dhe himnin kombëtar shqiptar e filluan protestën në kërkim të identitet dhe dinjitetit.
Qytetarët e komunës së Preshevës, Bujanocit dhe Medvegjës akuzuan qeverinë e Serbisë për diskriminimin sistematik ndaj tyre.
Deputeti shqiptar në Parlamentin e Serbisë, Shaip Kamberi tha se Qeveria e Beogradit po refuzon të i respektoj të drejtat e shqiptarëve.
“Po refuzon të na integrojë në organet shtetërore në mënyrë te drejtë e të barabartë…”, tha Shaip Kamberi, deputet në Kuvendin e Serbisë.
Edhe kryetari i Këshillit Kombëtar Shqiptar, Nevzad Lutfiu tha se prej 24 komuniteteve në Serbi, më së shumti probleme dhe sfida kanë shqiptarët.
“Ne jetojmë brenda një shteti, ku etnia më e urryer janë shqiptarët..”, tha Nevzad Lutfiu – kryetar i Këshillit Kombëtar Shqiptar.
Përmes kësaj proteste u kërkua që nxenësit të lejohen të mësojnë me libra të Republikës së Kosovë.
Nga ana tjetër, studentët që po studiojnë në Kosovë kërkuan që të njihen diplomat e tyre.
“Përveç ndjekjes së mësimeve e përvetësimit të lëndeve, studentin nga Lugina e Preshevës e përcjellë..”, tha Enis Fejzullahu- student
Përveç qytetarëve dhe kryetarëve të partive shqiptare, pjesë e kësaj proteste ishin edhe përfaqësuesit e Bashkësisë Islame në Preshevë dhe Bujanoc.
Sipas regjistrimit të fundit të popullsisë, shqiptarët janë pakica e katërt më e madhe në Serbi, përkatësisht në këtë shtet jetojnë 61.687 shqiptarë.
