Pasi që Italia dhe Shqipëria nuk arritën të jenë pjesë e botërorit “Katar 2022”, dy ekipet synojnë të vazhdojnë ringjalljen e fundit sonte në stadiumin “Air Albania”.
Presidenti i FSHF, Armando Duka, ka thëne për mediat se skuadra e Roberto Mancinit ka shumë tifozë në token e shqiponjave “Do të jetë një miqësore luksi, luajmë ndaj një ekipi të fortë që ka shumë tifozë në Shqipëri.
Pas Italisë, shumica e tifozëve italianë janë në Shqipëri. Entuziazmi është shumë i madh, kurrë më parë nuk kemi pasur kaq shumë kërkesa për bileta. Më vjen keq që Italia nuk do të jetë në Botëror, por sa bukur është të presësh të kaltrit në Tiranë.
Në Shqipëri është një festë e vërtetë, Italia është shteti i dytë për shumë qytetarë të Tiranës dhe kjo është arsyeja pse sonte, edhe pse në transfertë, lojtarët azzurrë mund të gjenden në një stadium që do këndojë i gjithi himnin e Mamelit”.
Shqipëria dhe Italia pritet të luajnë sonte në ora 20:45.
