13 personat e lënduar si pasojë e shpërthimit të bombolës së gazit që ndodhi brenda një shtëpie në fshatin Kçiq të Mitrovicës, po trajtohen në Qendrën Klinike Universitare të Kosovës (QKUK).
Shërbimi Spitalor Klinik dhe Universitar (ShSKUK) ka bërë të ditur se pacientët kanë pësuar djegie të shkallës së dytë dhe të tretë, në gjymtyrë të ndryshme të trupit, përfshirë, fytyrë, duar, këmbë dhe pjesë të tjera të trupit.
Lidhur me rastin ka reaguar kryetari i Komunës së Mitrovicës, Bedri Hamza, i cili është duke qëndruar pranë familjes.
“Shpërthimi i bombolës së gazit, fatkeqësisht ka shkaktuar pasoja tek familja Brahimi nga Kçiqi i Mitrovicës ku 14 anëtarë të familjes janë të lënduar”, thuhet në reagim.
Hamza ka uruar përmirësim sa më të shpejtë të gjendjes shëndetësore të të lënduarve./teve1.info/
