Një pjesë e Kullës së Kontëve në Romë është shembur papritur këtë të hënë, 3 nëntor 2025, duke shkaktuar panik te qytetarët.
Zjarrfikësit dhe autoritetet kanë ndërhyrë menjëherë.
Ngjarja ndodhi rreth orës 11:30 në Largo Corrado Ricci, ku po kryheshin punime restaurimi të financuara me fonde nga PNRR.
Sipas raportimeve të para të mediave italiane, katër punëtorë u shpëtuan nga zjarrfikësit, ndërsa një person përfundoi nën rrënoja.
Tre të tjerët që ndodheshin në majë të kullës u evakuan me ndihmën e shkallëve të zjarrfikësve.
64-vjeçari, një nga më të lënduarit, u transportua në spitalin San Giovanni në gjendje kritike për një traumë kraniale.
Në vendngjarje ndodhen forcat e rendit, Drejtoria e Mbrojtjes së Trashëgimisë, kryebashkiaku Roberto Gualtieri dhe ministri Alessandro Giuli.
Policia urbane ka siguruar zonën, duke ndaluar trafikun për këmbësorë dhe automjete, për të lehtësuar operacionin e shpëtimit.
Për ngjarjen po hetojnë karabinierët dhe ASL.
Zjarrfikësit dhe autoritetet vazhdojnë të monitorojnë situatën, ndërsa qytetarët dhe turistët janë të këshilluar të shmangin zonën për shkak të rrezikut.
Torre dei Conti u ndërtua në shekullin e 13-të nga Papa Innocent III si një vendbanim për familjen e tij.
Kulla ishte dëmtuar në një tërmet të vitit 1349 dhe kishte pësuar shembje të mëvonshme në shekullin e 17-të.
Kulla, e ndërtuar në vitin 1238 nga Papa Innocenzo III, po i nënshtrohet punimeve të rindërtimit pas dekadash të braktisjes.
