Sulmuesi i krahut, Aleksandar Katai, i cili është kthyer te Serbia pas një kohe të gjatë ka folur për ndeshjen kundër Shqipërisë.
Katai 34-vjeçar, që është pjesë e Cërvena Zvezdës dhe ka 10 paraqitje me Serbinë, ka insistuar se do të motivohet nga atmosfera e zjarrtë në “Arenën Kombëtare”, stadium në të cilin do të luhet ndeshja.
Ai ka thënë se te Serbia presin një atmosferë të nxehtë, duke theksuar se nuk do të ketë ndonjë ndikim pasi të gjithë futbollistët përshtaten me një ambient të tillë.
Sipas tij, Shqipëria ka cilësi por edhe Serbia ka cilësi të madhe dhe pret një ndeshje të fortë.
“Na pret një ndeshje e vështirë, por shpresoj se do të dalim si fitues”, ka insistuar Katai.
Ndeshja kualifikuese për Botërorin 2026 ndërmjet Shqipërisë dhe Serbisë, luhet të shtunën prej orës 20:45.
