Sulmuesi Astrit Selmani është larguar nga futbolli evropian për t’u zhvendosur në Azi, saktësisht në futbollin kinez.
Selmani i është bashkuar ekipit Shaanxi Union, i cili bën gara në Ligën e Parë apo kategorinë e dytë të futbollit në Kinë.
28-vjeçari, të hënën është prezantuar te skuadra kineze, e cila nuk i ka bërë të ditura detajet e kontratës me Selmanin.
Ai te Shaanxi Union është transferuar si lojtar i lirë kurse do ta bartë fanellën me numrin 9.
Selmani sezonin e fundit ishte pjesë e Dinamo Bukureshtit kurse ka luajtur edhe në Izrael, Suedi e Danimarkë.
Para se të transferohej në Kinë, Selmani ka refuzuar ofertat nga Rijeka në Kroaci, Rakowi në Poloni dhe Kasimpasa në Turqi.
