Policia e Kosovës ka gjetur një shumë prej rreth 59 mijë eurosh të padeklaruara në automjetin e një personi në Leposaviq.
Sipas raportit 24-orësh të Policisë, me vendim të prokurorit paratë janë sekuestruar deri në përcaktimin e origjinës së tyre.
Përveç kësaj, janë sekuestruar edhe dokumente të biznesit nga ARBK dhe ATK, si dhe raporti ditor fiskal, të cilat do të analizohen si dëshmi.
I dyshuari është intervistuar nga autoritetet dhe më pas është liruar në procedurë të rregullt, njofton Policia e Kosovës.
