Kryetari i Lidhjes Demokratike të Kosovës, Lumir Abdixhiku, duket që nuk e ka diskutuar me strukturat e partisë emrin e Bekim Sejdiut për president, të cilin e bëri të ditur sot në një konferencë për media pas takimit të zhvilluar me kreun e Lëvizjes Vetëvendosje, Albin Kurti.
Kjo pasi siç thonë burimet e KosovaPress, ai nesër në orën 14:00 do të mblidhet kryesia e LDK-së e më pas në orën 16:00, mbledhjen e Grupit Parlamentar, ku Abdixhiku pritet të kërkojë garancinë e deputetëve për votimin e Sejdiut për president.
Përmes një postimi në Facebook, Abdixhiku ka shprehur bindjen se LDK-ja do ta mbështesë këtë marrëveshje, pasi sipas tij, shteti është më i rëndësishëm se interesi partiak.
