Nisjet u realizuan pas një seri testesh të armëve të Koresë së Veriut në muajt e fundit duke rritur tensionet në rajon.
Ato erdhën një ditë pasi këta të fundit lëshuan më shumë se 20 raketa, shuma më e madhe e realizuar ndonjëherë.
Shefat e Përbashkët të Shtabit të Koresë së Jugut të enjten e cilësuan breshërinë e fundit të raketave të Koresë së Veriut,një rrezik që kërcënon sigurinë dhe stabilitetin edhe për botën.
“Këtë mëngjes, ushtria jonë zbuloi këtë raketë balistike me rreze të gjatë që u lëshua pranë Phenianit dhe dy raketa balistike me rreze të shkurtër që u hodhën nga Kacheon. Ne i dënojmë fuqishëm këto akte dhe i bëjmë thirrje Koresë së Veriut të ndalojë menjëherë këto akte”, tha Kim Jun-Rak, zëdhënës i shefit të shtabit të përbashkët të Koresë së Jugut, raporton AP, shkruan Tëvë1.info.
Një zëdhënës i Ministrisë së Mbrojtjes të Koresë së Jugut refuzoi të përgjigjet drejtpërdrejt me shpjegimin se testi ishte ende duke u analizuar.
Kryeministri japonez Fumio Kishida u shpreh se ishte absolutisht e patolerueshme që Koreja e Veriut të enjten lëshoi tre raketa, duke përfshirë një raketë të mundshme balistike ndërkontinentale.
“Një raketë balistike është lëshuar më herët. Ekziston mundësia që njëra nga raketat e lëshuara këtë herë të jetë një raketë balistike ndërkontinentale, kështu që edhe një herë kam dhënë udhëzime për mbledhjen dhe analizën e informacionit”, tha Kishida.
Nuk ka raportime për dëme apo lëndime nga zonat ku janë dhënë alarmet. Ndërsa Kishida dënoi lëshimet e Veriut dhe tha se zyrtarët po analizonin detajet e armëve./Tëvë1/.
