Sulmuesi Albion Rrahmani do të startojë prej fillimit te Rapid Bukureshti në ndeshjen kundër Botosanit.
Këtë ndeshje, Rapidi e luan në udhëtim dhe i takon xhiros së parë të Grupit B të Kupës së Rumanisë.
Ndeshja nis në orën 20:00, ndërsa Rrahmani vlerësohet si rreziku më i madh për portën e Botosanit. Në katër ndeshje të luajtura deri më tani në kampionat, Rrahmani ka shënuar 6 gola për Rapidin dhe ka bërë një asistim. Ai iu bashkua këtij ekipi në afatin kalimtar të verës nga Ballkani i Suharekës.
