Sipas njoftimit të tyre, subjekti në fjalë, ka për obligim që brenda 24 orëve t’i njoftojë familjarët e rezidentëve lidhur me këtë vendim, raporton teve1.info.
“Pas publikimit të pamjeve të sulmit fizik ndaj të moshuarës në subjektin “Orenda” në Pejë, Njësia e Inspektimit të Shërbimeve Sociale ka bërë inspektimin e menjëherëshëm të vendit të ngjarjes, si dhe intervistimin e stafit të qendrës dhe dëshmitarëve të rastit. Sipas vendimit të Komisionit, subjekti në fjalë është i obliguar që brenda një afati 24 orësh t’i njoftojë familjarët e rezidentëve lidhur me vendimin, kurse deri më datë 7 nëntor (e hënë) obligohet të dorëzojë licencën dhe të mbyll aktivitetin e ofrimit të shërbimeve sociale”, thuhet në postimin e tyre në Facebook.
Teksa bënë të ditur se me përmbylljen e raportit të inspektimit, i njëjti i është dorëzuar sot Komisionit Licencues, i cili ka mbajtur një takim urgjent ku është marrë vendim që subjektit “Orenda” t’i revokohet licenca për ofrimin e shërbimeve sociale.
Kujtojmë se një 70-vjeçare është rrahur nga një infermiere në shtëpinë publiko-private të pleqve “Orenda” në Pejë.
Teksa, lidhur me rastin janë arrestuar tri infermiere.
