Kjo fletore është ditar i punës së saj më fëmijët pa përkujdesje prindërore.
Në çdo flet të saj, Fatmira Hoti – Musliu ruan me nostalgji kujtimet për secilin prej tyre.
Gruaja nga Obiliqi, tash e nëntë vjet ka hapur dyert e shtëpisë, për t’u bërë strehë e përkohshme për këta të vegjël.
Aktualisht ajo është duke u kujdesur për një fëmijë i cili familjes së saj i është bashkuar prej tre vitesh, dhe do të qëndroj këtu deri sa të zgjidhet statusi i tij.
Lidhja e Fatmires me këta fëmijë çdo herë është shumë e fortë, prandaj edhe ndarjet janë të rënda.
“Më u lidh, lidhesh me secilin, e merr një fëmijë tre javë, edhe e mbanë tri vjet ai bëhet fëmija i yt, të thotë nanë, babë, dhe është diçka aq e rëndë kur i vjen koha më shku sa nuk mundesh me përshkruar as me fjalë, mërzitëm, besa disa e shkëputim lidhjen menjëherë, disa nuk i shkëputin”, tha Fatmir Hoti-Musliu nga familja strehuese.
Motivi i Fatmires për t’u përkujdesur për fëmijët e braktisur është shumë i lartë.
“Për secilin që është kanë tek unë, ai gjithmonë është i jemi ai kur të takojë edhe pas 50 vjetëve ai fëmije ka me qenë i imi sikurse në momentin kur e kam marrë. Kam pas qef me bo një punë që flet, nuk vdes kurrë se kjo puna e këtyre fëmijëve është që rritet e jeton, kujton pas 50 vetëve ku ka qenë, ndoshta unë nuk jam hiç por vjen e dëshiron më ditë ku ka qenë. Ja kam fillu me një fëmijë dhe tash kur të më ofrohet një fëmijë e ndjejë vetën keq mos më shku më marr”, deklaroi Fatmirja.
Në gjithë Kosovën, janë 44 familje strehuese, të cilat marrin edhe mbështetje financiare nga Ministria e Familjes.
Për fëmijën e vendosur brenda farefisit shuma e pagesës është 150 euro, kurse për fëmijët në familje strehuese jashtë farefisit shumat për fëmijë janë: prej 350 euro për fëmijë me zhvillimi tipik, ndërsa për fëmijët me aftësi te kufizuar është 450 euro.
Përveç kësaj mbështetje, Fatmirja tregon se merr përkrahje edhe nga komuna e Obiliqit.
“Te disa fëmijë i mbulon, te disa fëmijë nuk i mbulon kërkesat, për shembull qiky që është i ka disa kërkesa pak më shumë, jo syzat jo ka pas disa fizioterapi, e të disa i mbulon”, tha ajo.
Ajo pret që institucionet qendrore, të punojnë më shumë për statusin e familjeve strehuese.
