Mateo Retegui ka shënuar sërish në Argjentinë teksa në ndeshjen e fundit të kampionatit ndëshkoi ekipin e Lanusit. Sulmuesi i Tigresit siguroi fitoren e ekipit në minutën e 99, duke i ndezur sinjale klubeve europiane.
Sipas mediave italiane, Interi është ne krye për të siguruar shërbimet e sulmuesit të kombëtares “azzure” , ku sipas tyre klubi zikaltër është në avantazh pasi ka një marrëveshje paraprake me lojtarin dhe familjen e tij.
Klubi milanez duhet të shikojë buxhetin për sezonin e ardhshëm pasi për të siguruar shërbimet e Reteguit, ata duhet të paguajnë shifrën e 18 milionë eurove në llogarinë e Tigresit.
Në ndjekje të Reteguit është vënë dhe Atletico e Madridit dhe Eintracht i Frankfurtit, të cilat duket se janë të gatshme për t’ia bërë punën sa më të vështirë zikaltërve.
