Kur u mendua se do ta përfaqësonte Kombëtaren e Kosovës, dhe pozonte me fanellën e “Dardanëve”, Andi Zeqiri për habi të të gjithëve, zgjodhi të përfaqësojë Zvicrën, vendin ku kishte lindur dhe jo atë të prejardhjes së familjes së tij.
Atëbotë luante për Laussane Sports dhe paraqitjet e mira në Zvicër i mundësuan atij të kalonte në Premier League, te Brighton & Hove Albion.
Duke shpresuar në një shpërthim të madh edhe te Përfaqësuesja e Zvicrës, Zeqiri nuk “ndezi”.
Luajti me juniorët e Zvicrës e u ftua në Evropian, por për seniorët ai u paraqit vetëm një herë.
Karriera e tij mori kthesë tjetër, duke u huazuar disa herë, dhe së fundit kaloi në kampionatin belg te Genk, prej nga edhe aty u huazua te Standard Liege.
Në mediat zvicerane raportojnë se 26-vjeçari pritet të kthehet në kampionatin helvetik, te ekipi i St. Gallen, që po ashtu nuk është i sigurt në paraqitjet e tij më. Dhe për shkak se emri i tij përmendet në afatin kalimtar, ai nuk ka asnjë paraqitje për Gentin në këtë sezon dhe nuk është ftuar as të bëhet pjesë e ekipit.
